Məşhur amerikalı illüziyaçı Ueyn Xuçin Dominikan Respublikası Milli televiziyasının efirində şou proqram aparıcısının tez alovlanan mayeni köməkliyi ilə onu yandırması nəticəsində yanıq xəsarətləri ilə xəstəxanaya yerləşdirilib.
Gün.AzNewsru-ya istinadən xəbər verir ki, hücumun səbəbləri məlum deyil.Üzündən, başından və əlindən yanıq xəsarətləri alan sehirbaz məhkəmədə aparıcıya qarşı iddia qaldırıb. İnsident noyabrın 26-da “Ulduza yaxın” şou proqramının çəkilişi zamanı baş verib.
Verilişə dəvət olunan qonaqla ünsiyyət zamanı aparıcı Frenklin Barazarte gözlənilmədən cəld sehirbazın başını tutaraq əlini onun başına və üzünə sürtüb, məhz bundan sonra onu alov bürüyüb.
Aparıcı verilişdən əvvəl deyibmiş ki, sehirbaza “xeyir-dua” vermək istəyir.
