Saytda gündəlik ölkədə və dünyada baş verən ən aktual xəbərlər yerləşdirilir. Portalın siyasət, sosial, şou-biznes, idman, secdiklərimiz, gənclik, maraqlı adlı bölmələri var. Portalın baş redaktoru Əfsələddin Ağalarov açıqlamasında bu haqda deyib: “AZXEBER.COM portalı artıq 1 ildir ki, fəaliyyət göstərir. Bu müddətdə biz Azərbaycanda və dünyada baş verən ən aktual hadisələri oxucularımıza çatdırmağa çalışmışıq. Düşünürəm ki, buna nail olmuşuq. Çünki, yeni fəaliyyətə başlayanda ziyarətçi sayımız 100-200 nəfər idisə, hazırda bu say 1500-2000 nəfəri keçir. Xəbərlərimizin baxılma sayı isə gün ərzində 5000-6000 olur. Bizim məqsədimiz xəbəri fərqli şəkildə ziyarətçilərə çatdırmaqdır. Loqomuz da məhz buna uyğun seçilib: “AzXeber.com-Fərqli xəbərin ünvanı”. İnanıram ki, biz daha böyük uğurlar qazanacağıq. Çünki sevdiyimiz işlə məşğuluq”
Xatırladaq ki, portalın baş redaktoru BDU Jurnalistika fakultəsinin tələbəsi Əfsələddin Ağalarov, redaktoru BDU Jurnalistika fakultəsinin tələbəsi Hacıbəy Heydərli, müxbirləri BDU Jurnalistika fakultəsinin tələbəsi Aysel Fərziyeva və Azərbaycan Respublikasının Prezidenti yanında Dövlət İdarəçilik Akademiyasının tələbəsi Ceyhun Əhmədov, reklam meneceri Bakı Dövlət Universiteti Kitabxana və İnformasiya fakültəsinin tələbəsi Əli Hüseynli, texniki dizayneri isə Bakı Dövlət Universiteti Ekologiya fakültəsinin tələbəsi Əli Məmmədlidir.
