"Bugünkü tədbir həqiqətən də Azərbaycan üçün çox mühüm əhəmiyyətə malik olan bir tədbirdir"
AZXEBER.COM xəbər verir ki, bunu iyunun 3-də Prezident Administrasiyasının (PA) siyasi təhlil və informasiya təminatı şöbəsinin müdiri Elnur Aslanov “Bakı gələcək forumu”nda çıxışı zamanı dilə gətirib.PA rəsmisi qeyd edib ki, Azərbaycan müstəqillik əldə etdikdən sonrakı dövr ərzində, xüsusilə son 20 il ərzində müstəqil, müasir dövlətə çevrilə bilib.E.Aslanovun sözlərinə görə, ötən illər ərzində Azərbaycan qlobal, iqtisadi, siyasi və humanitar forumların, toplantıların keçirildiyi mühüm bir məkana çevrilib.O bildirib ki, Azərbaycan bu gün sivilizasiyaların, o cümlədən Qərblə Şərqin, Şimalla Cənubun qovşağında yerləşən bir ölkə kimi dünyanın və regionun aparıcı dövlətlərindən, mərkəzlərindən biridir:“Bu gün ölkəmizdə bütün dinlərdən, dillərdən olan insanlara böyük hörmət və ehtiram göstərilir. Azərbaycanda sinaqoqlar, kilsələr, digər dini məbədlər fəaliyyət göstərir. Dövlət səviyyəsində sinaqoqlar, kilsələr, dini məbədlər təmir edilir”.PA rəsmisinin dediyinə görə, müstəqillik əldə etdikdən sonra Azərbaycan Xəzər dənizindəki karbohidrogen ehtiyatlarına malik bir ölkə kimi dünyanın və xüsusilə Avropanın enerji təhlükəsizliyində mühüm bir tərəfdaş qismində çıxış edir.E.Aslanov deyib ki, 1994-cü ilin sentyabrında ümummilli lider Heydər Əliyevin birbaşa rəhbərliyi və dəstəyi ilə imzalanan “Əsrin müqaviləsi” və digər neft kontraktları regionun və Avropanın enerji təhlükəsizliyində mühüm rola malikdir.Bununla yanaşı PA rəsmisi Azərbaycanın və regionun inkişafına başlıca maneə olaraq Ermənistanın Azərbaycanın torpaqlarını işğalını və təcavüzünü göstərib:“Çox təəssüflər olsun ki, 20 ildən artıq müddətdir Azərbaycan Ermənistanı işğalına və təcavüzünə uğrayıb. Ötən müddət ərzində Ermənistanı qeyri-konstruktiv mövqeyi üzündən Dağlıq Qarabağ münaqişəsi həll olunmamış qalır.Münaqişənin həlli ilə bağlı bir sıra beynəlxalq qurumların, o cümlədən BMT Təhlükəsizlik Şurasının 4 qətnaməsi olmasına baxmayaraq Ermənistan münaqişənin həllində yenə də qeyri-konstruktivlik göstərməkdə və status-kvonun qorunub saxlanmasında maraqlı görünür.Ancaq Azərbaycan dövlətinin məqsədi münaqişənin Azərbaycanın ərazi bütövlüyü prinsipi çərçivəsində həll edilməsi, qaçqın və məcburi köçkünlərin öz doğma yurd-yuvalarına qayıtması və burada uzunmüddətli sülhüm bərqərar edilməsidir”.
