Yunanıstanın Saloniki şəhərində 14 yaşlı bir uşaq sosial mediada gənclər arasında rast gəlinən ən uzun nəfəs tutma yarışına qatılıb.
AZXEBER.COM xarici mətbuata istinadən xəbər verir ki, 14 yaşlı uşaq huşunu itirərək xəstəxanaya aparılıb, sözügedən təhlükəli oyunun isə getdikcə müxtəlif ölkələrdə yayıldığı üzə çıxıb.
Son zamanlar gənclərin sosial mediadan istifadəsinin müzakirə olunduğu ölkədə baş nazir Kiryakos Mitsotakis hökumətin 30 dekabr 2024-cü ildə üzərində çalışdığı və gənclərin sosial mediadan istifadəsini tənzimləyəcək proqramı açıqlayıb.
Mitsotakis qeyd edib ki, qeyd edilən hökumət proqramı üç əsas tərkibdən ibarətdir: valideyn nəzarətinin artırılması, internet və sosial media istifadəsində uşağın yaşının dəqiqləşdirilməsi və rəqəmsal platformalarla əməkdaşlıq.
Qeyd edək ki, Yunanıstanda hökumət proqramı çərçivəsində istifadəyə verilən və uşaqların internet, sosial mediadan istifadəsinə nəzarət məqsədi ilə yaradılmış "parco.gov.gr” platforması valideynlərə internetdən istifadəni izləmək imkanı verir.
Mikayıl
