Qırğızıstanda valideynlərə uşağa ata və ananın soyadlarının birləşməsindən yaranan ikiqat soyada icazənin verilməsi təklif olunur.
AZXEBER.COM xəbər verir ki, müvafiq qanun layihəsi Joqorku Keneşin (Parlamentin) bir qrup deputatı tərəfindən ictimai müzakirəyə çıxarılıb.
Təklif olunan dəyişikliklərə əsasən, valideynlərin razılığı ilə uşağa doğularkən valideynlərin soyadlarının istənilən ardıcıllıqla defislə birləşdirilməsi yolu ilə formalaşan ikiqat soyad verilə bilər. Lakin uşaqlara üçqat soyadın verilməsinə icazə verilmir.
Bu məhdudiyyət sonrakı nəsillərdə soyadların həddindən artıq mürəkkəbləşməsinin qarşısını almağa yönəlib.
Daha əvvəl ölkədə eynicinsli nikahların qanunla qadağan edilməsi və sənədlərdə bioloji cins barədə qeydin dəyişdirilməsinə qadağa qoyulmasının nəzərdən keçirildiyi barədə məlumat verilmişdi.
