Xəbər verdiyimiz kimi İncəsənət xadimlərinə Azərbaycan Prezidentinin mükafatları verilib. Bununla bağlı Prezident İlham Əliyev Sərəncam imzalayıb.
Siyahıda adı olan əməkdar artist Təyyar Bayramov xəbəri bizdən alıb.
Əməkdar artist AZXEBER.COM-a açıqlamasında dövlət başçısına təşəkkürünü bildirib:
"Xəbəri sizdən eşidirəm, bu mənim üçün daha da maraqlı oldu. Dövlət başçımıza mənə göstərdiyi etimada görə təşəkkürümü bildirirəm. Bu mükafat məndə daha da böyük məsuliyyət hissi və həvəs yaradır. Bu bizim sənətimizə olan diqqətin göstəricisidir. Özümü və mükafata layiq görülən bütün həmkarlarımı təbrik edirəm".
Aysel Hacızadə
