Ukraynadakı FEMEN hərəkatının fəalları növbəti aksiya keçiriblər.
Hərəkatın üzvü olan qadınlardan biri Fransanın paytaxtı Parisdəki Nortdam kilsəsinə girib, soyunub və oyuncaq tapançanın lüləsini ağzına soxaraq intiharı imitasiya edib. Qadının sinəsinə "Qoy faşizm cəhənnəmdə yansın" yazılmışdı. FEMEN üzvünü polis saxlayıb, kilsə 15 dəqiqəlik qapadılıb.
Mayın 21-də bu kilsədə dünyaca məşhur fransız tarixçi, esseçi və yazıçsı Dominik Venner intihar etmişdi. O, eyni cinsdən olan vətəndaşlar arasında nikahlara və Fransanın "islamçıların əlinə keçməsinə" etiraz edirdi. Vennerin fikrincə, son 40 ildə Fransanın bütün dövlət və siyasi qurumları Afrikanın şimalındakı ölkələrdən mühacirlərin cəlb olunmasına çalışıblar. Yazıçının fikrincə, belə siyasət Avropa üçün çox təhlükəlidir. Rəsmi Parisin fikrincə, FEMEN-in aksiyası Vennerin intiharına reaksiyadır. FEMEN dünən bəyanat yayıb.
"FEMEN yarımçıq Hitlerlər və degenerat Mussolini tərəfdarlarının qismində bütün Avropa nasizmini qoca Vennerin əməlini təkrarlamağa, dərhal intihar etməyə çağırır. Tələsin, Notrdam kilsəsinin qurban mehrabında yer çox deyil", - hərəkatın bəyanatında deyilir. (milli.az)
