"Koronavirus keçirən uşaqların sonradan adenavirus infeksiyası səbəbilə ciddi qaraciyər zədələnmə ehtimalları var. Dünya praktikasında artıq bu xəstələr var. Bizdə hələlik bu fakt qeydə alınmayıb. Amma hər müraciətdə biz bunu nəzərə alırıq".
AZXEBER.COM xəbər verir ki, bu sözləri "ARB24"də yayımlanan "İş Vaxtı" verilişində qonaq olan həkim Günay Rəsulova bildirib.
O əlavə edib ki, valideynlər bu məsələdə diqqətli olmalıdır: "Qusma, qızdırma və ishal şikayəti olan uşaqlarda sarılıq əlamətlərinin olub-olmamasına ciddi fikir versinlər. Belə bir vəziyyət olarsa, mütləq həkimə müraciət etsinlər".
