Çilinin Atakama səhrasında havadakı rütubət xüsusi torlar vasitəsilə suya çevrilir
Bu məkan dünyanın quraqlıq yerlərindən biridir. ANS PRESS-in məlumatına görə, meteoroloqlar, bu yerdə indiyədək əsla yağış yağmadığını bildirir. Amma, alimlər dünyanın ən quru yerlərindən birini insan üçün su verməyə vadar ediblər. Çilinin Atakama səhrasında havadakı rütubət xüsusi torlar vasitəsilə suya çevrilir və çəlləklərə yığılır.
Təmiz, içməli olan bu sudan sonradan yerli kənd sakinləri yararlanırlar. Rütubəti toplayan torların istehsalçısı FogQuest qeyri-kommersiya təşkilatıdır. Təşkilat mənsublarının dediklərinə görə, hər 1 kubmetr havada 0,05-0,5 qram su var. "FogQuest" hazırda Peru, Ekvador, Qvatemala, Kabo-Verde, Eritreya, Cənubi Afrika, Yəmən, Oman, Efiopiya, İsrail və Nepalda layihələr reallaşdırır.
