Yeni bir araşdırma şəkərli diabetin inkişaf ehtimalını ikiqat artıra bilən yuxu vərdişlərini müəyyən edir.

Alimlər müxtəlif xəstəlik riski ilə dörd növ yuxu rejimi müəyyən ediblər. 

ABŞ-nin Penn State Sağlamlıq və İnsan İnkişafı Kollecinin alimləri on il ərzində təxminən 3700 iştirakçının yuxu vərdişlərini izləyiblər. 

ABŞ-də Orta Yaş Sorğusunun (MIDUS) tarixi milli məlumatlarından istifadə edərək, orta yaşlı iştirakçıların 2004-2014-cü illər arasında öz yuxularını necə qiymətləndirdiklərini araşdırıblar. Onlar yaşlandıqca insanların yuxu rejiminin necə dəyişdiyini və bunun xroniki xəstəliklərin inkişafı ilə necə əlaqəli ola biləcəyini müəyyən etməyə çalışıblar.

Təhlil göstərib ki, hər bir iştirakçı dörd fərqli kateqoriyadan birinə düşür: yaxşı yatanlar, həftə sonu yatanlar, yuxusuzluq yaşayan və az yatanlar. 

Yaxşı yatanlar uzun, ardıcıl saatlar yatdıqlarını və gün ərzində yuxu və oyanma saatlarından məmnun olduqlarını bildirirlər. 

Həftə sonu yatanlar həftə ərzində nizamsız və ya daha qısa müddət ərzində yatan, lakin həftə sonları daha uzun yatan insanlar idi. 

İştirakçıların yarıdan çoxu iki ən pis yuxu kateqoriyasına düşüb: yuxusuzluqdan əziyyət çəkənlər və az yatanlar. Yuxusuzluqdan əziyyət çəkənlər gün ərzində daha çox yorğun olduqlarını və yuxularından daha az məmnun olduqlarını bildiriblər.

Tədqiqatçılar yuxusuzluqdan əziyyət çəkənlərin ürək xəstəliyi, şəkərli diabet və depressiya riskinin yaxşı yatanlarla müqayisədə 28-81 faiz daha yüksək olduğunu müəyyən ediblər.

Gülay