"Süni zəka bütün dünyada musiqinin evini yıxır. Hələ mahnı ilə başlayıblar, operaya girişməyiblər. Bu, son deməkdir. Deyirlər, dünyanın axırı gəlir. Süni zəka da dünyanın axırına çıxanlardandır. Bir şeydə ki, ruh yoxdur... Həmin süni zəkanın içində milyonlarla bəstəkarın işi yığılıb. Sən buna tapşırıq verirsən: qadın səsi olsun, bu sözlərə uyğun, oxşasın şakiraya, amma bizimki oxusun. Və ya yazırlar aranjimanda gitara olsun. Bir neçə saniyədə süni zəka birini ordan, birini burdan dartıb, yamaq edir və verir".
AZXEBER.COM xəbər verir ki, bu sözləri Xalq artisti Eldar Mansurov "Daha aydın" yutub layihəsində deyib. Bəstəkar süni zəka ilə düzəldilən mahnılardan danışıb. O bildirib ki, süni zəkaya dövlət səviyyəsində qadağa qoyulmalıdır:
"Bəzi adamlar deyir ki, daha mahnı yazmayacağam. Süni zəka qəşəng yazır, aranjiman da edir. Onu gülmək üçün bir dənə edə bilərsən. Bunu sənət kimi etmək omaz. İmkanım çatsaydı, dövlət səviyyəsində bunu qadağan edərdim. Qulaq asan kimi, bilirik nədir".
/axşam.az
