Məşhur biznesmən Araz Ağalarov iş adamlarını Çin bazarlarından faydalanmağa çağırdı.
AZXEBER.COM tanınmış iş adamı, “Krokus” Şirkətlər Qrupunun rəhbəri Araz Ağalarov Çin-Rusiya münasibətlərinin iqtisadi tərəfləri ilə bağlı “KP”-yə müsahibə verib. Müsahibəni ANS-ə istinadla təqdim edirik:
- Əgər Sizin təcrübənizlə hesablaşarıqsa, Çinlə dostluq bizə nə verəcək?
- Qaz, neft və başqa işləri mənsiz də görə bilirlər. Mən isə deyə bilərəm ki, Çin çox qəribə üsulla ucuz başa gələn xalq istehlakı malları hazrlamağı bacarır. Ayaqqabı 5 dollar, mayka 2 dollar, özü də ki, çox yüksək keyfiyyətli, corab bir cütü 30 qəpikdən.
Bununla mübarizə aparmaq isə mənasızdır. Biz qonşularımızın bu bacarığından istifadə etməliyik. Biz gərək istehsalımızın ağırlıq mərkəzini daha ucuz qiymətə başa gələn mallar kateqoriyasına çevirək. Hətta bu daha bahalı sektorlara da aid olunmalıdır.
Çin idxalından açıq şəkildə və fəal surətdə istifadə etmək lazımdır. Bu işi isə indi bizdə olduğu kimi görmək olmaz. Nə üçünsə əşya bazarlarında bu mallar satılır, o mallar yarım qaçaqmal yolla, boz üsullar və s. variantlarla bazara gətirlir. Bu birincisi.
İkincisi. Çin özlüyündə böyük satış bazarıdır. Onlarla işləməyi öyrənmək lazımdır. Prinsip etibarı ilə onlar ağır tərəfdaşlardırlar, onlarla danışıqlar aparmaq çox çətindir. Lakin danışıqlar baş tutandan sonra, iş gedir.Bura həm də bizim Uzaq Şərq üçün də böyük ərazidə ərzaq və qida bazarıdır.Dənizdə olan bir çox heyvanlar -- dəniz ilbizi, krab, malyuska və digər xırda heyvanlar, və dəniz bitkilərini Çin bazarına çıxarmaq olar, Biz həmin məhsulları həm də fermer təsərrüfatları vasitəsilə çoxaldıb Çinə göndərə bilərik.
Çünki biz bilirik ki, çinlilərin dünyada sayı bir milyard yarımı keçib, bu da Yer kürəsinin 20 faiz əhalisi deməkdir. Prinsip etibarı ilə bu var, bu işi gücləndirmək, genişləndirmək və dövlət səviyyəsinə çatdırmaq lazımdır. Bax bu qədər.
