"Biz Tehran və Vaşinqton arasında dolayı danışıqlar prosesinin başlanmasını və bu danışıqların davam etdirilməsi üçün bu gün əldə edilmiş razılaşmanı alqışlayırıq".
AZXEBER.COM "Unikal"a istinadən xəbər verir ki, bu barədə Rusiya prezidentinin mətbuat katibi Dmitri Peskov açıqlayıb.
İran və ABŞ arasında dolayı danışıqların birinci raundu ilə bağlı sualı cavablandıran Peskov qeyd edib ki, Rusiya tərəflərin maraqlarının nəzərə alınmasının və qarşılıqlı hörmət prinsipləri əsasında danışıqlar prosesinin davam etdirilməsinin tərəfdarıdır: "Biz əminik ki, İranın nüvə proqramı və JCPOA ilə bağlı bütün məsələlər müstəsna olaraq siyasi və diplomatik vasitələrlə həll edilməlidir".
Kremlin sözçüsü vurğulayıb ki, Rusiya İranın nüvə probleminin sülh yolu ilə həllini öz prioritetlərindən biri hesab edir və danışıqlar prosesinə töhfə vermək üçün bütün mümkün səyləri etməyə hazırdır.
Qeyd edək ki, bu gün Romada İran və ABŞ arasında dolayı danışıqların ikinci raundu başlayıb.
