"Nəsiman Yaqublu Azərbaycan elminin ən böyük şəxsiyyətlərindən biri idi. Cümhuriyyət Şirməmməd müəllimlə onun sayəsində Azərbaycan mühitində, türk dünyasında tanındı".
Bu fikirləri jurnalistlərə açıqlamasında Bakı Dövlət Universitetinin Milli mətbuat tarixi kafedrasının müdiri, professor Cahangir Məmmədli bildirib.
"Onun 40-dan çox kitabı var. Nəsiman Yaqublu deyəndə elə bil yenidən Şirməmməd Hüseynov haqqında danışırlar. Şirməmməd Hüseynov yenidən öldü"- deyərək C.Məmmədli göz yaşlarını saxlaya bilməyib. Daha ətraflı videodan izləyə bilərsiniz.
Qeyd edək ki, N.Yaqublu ömrünün böyük bir hissəsini həsr etdiyi Bakı Dövlət Universitetinin Jurnalistika fakültəsində öz biliyi, elmi və praktik bacarığı ilə tələbələrin sevgisini və rəğbətini qazanan müəllim idi. Yeni nəsil Azərbaycan jurnalistlərinin yetişməsində xidmətləri olub. Onun elmi, praktik fəaliyyəti hər zaman yüksək qiymətləndirilib. 1992-ci ildə Hacı Zeynalabdin Tağıyev adına Respublika milli mükafatına, 2003-cü ildə Həsən bəy Zərdabi adına mükafata, 2008-ci ildə Ankara Azərbaycan Kültür Dərnəyinin mükafatına, 2019-cu ildə "Bakı Dövlət Universitetinin 100 illiyi (1919-2019)” yubiley medalına layiq görülüb.
Nəsiman Yaqublu Milli Məclisə 2024-cü ildə keçiriləcək növbədənkənar seçkilərdə 125 saylı Zəngilan-Qubadlı seçki dairəsindən namizəd idi.
///musavat.com
