"Hərbi dairələrdəki mənbələrimiz Ermənistanın Azərbaycanla şərti sərhəddə 1,2,3 və 4 saylı hərbi korpusları fəal şəkildə gücləndirdiyi, son həftələr İran ərazisindən zirehli texnika və artilleriya mərmilərinin çatdırılması barədə məlumatları təsdiqləyirlər".
AZXEBER.COM xəbər verir ki, bu barədə "Caliber" məlumat yayıb.
"Təmir və texniki hissələr durmadan işləyir, təmir oluna bilən hər şeyi cərgəyə qoymağa çalışırlar. Ermənistan Azərbaycanın Qarabağ bölgəsi ərazisində də silahlı qüvvələrini yüksək döyüş hazırlığı səviyyəsinə çatdırıb. Təkcə son bir həftədə ehtiyatda on minə qədər hərbçi çağırılıb və bunun fonunda erməni hərbi ekspertlərin guya ölkədə səfərbərliyin aparılmaması ilə bağlı açıqlamaları Azərbaycana dezinformasiya kampaniyasından başqa bir şey deyil deyə dünya ictimaiyyətini çaşdırırlar" - deyə məlumatda deyilib.
Hərbi informasiya portalı onu da qeyd edib ki, yaxın zamanda Paşinyan rejimi tərəfindən ciddi təxribat gözlənilir:
"Yaxın vaxtlarda həm öz daxili siyasi hesablamaları, həm də geosiyasi öhdəlikləri olan Nikol Paşinyan rejimi tərəfindən ciddi hərbi təxribat gözləməyə əsas var. Qarabağda resursların məhdud olduğunu nəzərə alsaq, çox güman ki, orada diversiya xarakterli təxribat əməliyyatları aparıla bilər, eyni zamanda əsas döyüş əməliyyatları düşmən tərəfindən bizim Ermənistanla şərti sərhədimizə keçəcək".
Mikayıl
