BBC FA Cup proqramının canlı yayımı zamanı porno səsləri eşidildikdən sonra üzr istəyib.
AZXEBER.COM xarici mediaya istinadən xəbər verir ki, hadisə "Vulverhempton" - "Liverpul" matçının canlı yayımı zamanı baş verib.
BBC-nin aparıcısı və keçmiş ingiltərəli futbolçusu Qari Lineker qonaqlar Pol İns və Denni Merfi ilə danışdığı anlarda yayım porno səsləri ilə kəsilib.
Lineker gülümsəyərək, "Məncə, kiminsə telefonuna nəsə göndərilir. Bilmirəm, onu ekranda eşidə bilərsənmi" deyib.
Matç başlayandan sonra Lineker Tvitter hesabında foto paylaşıb.
Lineker paylaşdığı paylaşımda "Bunu dekorun arxasına yapışdırılmış vəziyyətdə tapdıq" deyərək mobil telefon fotosunu paylaşıb.
Lineker hadisəni "təxribat" adlandırsa da, tvitinə gülüş emojisi əlavə edib və bunun "gülməli" olduğunu bildirib.
Əvvəlcə Lineker bu səslərin qonaqlarından birinin telefonuna göndərilən videodan gəldiyini düşündüyünü izah edib. Ancaq bir anda bunun zarafat olduğunu anladı, - deyib.
BBC-nin aparıcısı gülməli zarafat kimi qiymətləndirdiyi hadisəyə görə BBC-nin niyə üzr istəməsini də sual altına alıb və "Bizim üzr istəməyimiz üçün heç bir şey yoxdur” deyib və gülərək əlavə edib:
"Əgər bu səhər mənə axşam efirində porno qalmaqalı haqqında danışacağımı desəydin, dəhşətə gələrdim”.
Digər tərəfdən YouTube fenomeni və zarafat videoları Daniel Jarvis, hadisənin arxasında özünün olduğunu iddia edib.
Jarvis əvvəllər kriket matçında sərhədi pozduğu üçün səkkiz həftəlik həbs cəzasına məhkum edilmişdi. Cəzası iki il müddətinə təxirə salınan Jarvisin İngiltərə və Uelsdə hər hansı idman tədbirində iştirakına, Jarvisin isə 12 ay müddətinə ölkədən çıxışına qadağa qoyulub.
Mikayıl
