Məlum olduğu kimi, ötən həftə "Böyük Qayıdış" proqramı çərçivəsində işğaldan azad edilmiş torpaqlara - Cəbrayıla növbəti köç karvanı yola salınıb.
Bu gün isə Şuşa şəhərinə əhalinin bir qisminin köçürülməsi reallaşıb.
Bütün bu "Böyük Qayıdış" layihəsi fonunda işğaldan azad edilmiş ərazilərimiz ilbəil çiçəklənir, müasir infrastrukturla təmin edilir və bütün qeyd edilən islahatlardan sonra əhali əmin-amanlıqla buraya, öz dədə-baba yurdlarına geri dönür.
Bəs dövlətin işğaldan azad edilmiş rayonlardakı yaşayış strategiyasını necə xarakterizə etmək olar?
Gələcəkdə bundan savayı hansı dövlət layihələrinin tətbiq olunması müşahidə edilə bilər?
Vacib məsələ ətrafında suallara cavab verən Milli Məclisin deputatı Müşfiq Cəfərov AZXEBER.COM-a açıqlamasında işğal edilmiş rayonlardakı yaşayış strategiyası və həyata keçirilən dövlət proqramları haqqında ətraflı danışıb:
"Qarabağ münaqişəsinin həlli regional iqtisadi-ticarət və nəqliyyat-kommunikasiya əlaqələrinin canlanmasına yol açacaqdır. Bu amil regionda, eləcə də Cənubi Qafqaz ölkələrində iqtisadi fəallığın artması Şimal-Cənub və Şərq-Qərb nəqliyyat dəhlizlərinin inkişafında maraqlı olan bütün tərəflərin maraqlarına xidmət edir. Naxçıvan dəhlizi də dənizə çıxışı olmayan Muxtar Respublikanın təcrid olunmasına son qoyacaq, eyni zamanda Asiya ilə Avropa arasında daha sıx əlaqəni təmin edəcək. Azərbaycan regionun istifadə olunmamış potensial imkanlarına əsaslanaraq Qarabağı inkişaf, sülh və təhlükəsizlik platformasına çevirir".
Millət vəkili həmçinin Azərbaycan tolerantlıq və multikulturalizm nümunəsi olaraq müharibə və işğalın dağıdıcı təsirlərindən sonra Qarabağın xristian və müsəlman irsinin bərpası planlarını da açıqlayıb:
"2025-ci ilədək qarşıya qoyulmuş məqsədlərdən biri də məhz xarici investorların dünya standartlarına uyğun fəaliyyət göstərməsinə şərait yaradacaq biznes mühitinin təmin edilməsidir. Qarşıya qoyulmuş hədəflərdən ən başlıcası qeyri-neft sektoruna yönəldilmiş birbaşa xarici investisiyaların qeyri-neft ÜDM-dəki payının artırılmasıdır. Qarabağın yenidənqurulmasına dövlət və qeyri-dövlət investisiyalarının cəlb edilməsi davamlı iqtisadi artımın əsasını qoyacaqdır. Dövlət investisiyaları Qarabağda katalizator rolunu oynayacaq və qeyri-dövlət investisiyalarına zəmin yaradacaq. Artıq Türkiyə, İtaliya, Böyük Britaniya, Pakistan və İsraildən Qarabağın bərpasına yönəlmiş sərmayə axını başlayıb. Qarabağda mədənçıxarma, metallurgiya, qida emalı, trikotaj, turizm, kənd təsərrüfatı, yaşıl energetika sahələrinin inkişafı üçün böyük potensial var. İşğaldan azad edilmiş ərazilərdə yaradılacaq yeni iqtisadi dəyər Azərbaycan dövlətinin maliyyə xərclərini dəfələrlə üstələyəcəkdir. Bu ərazilərin bərpası ilə çoxlu sayda yeni iş yerləri açılacaq. Belə ki, yeni infrastruktur layihələrinin həyata keçirilməsi vətəndaşlarımızin işlə təminatına müsbət təsir göstərəcək. İqtisadiyyatın inkişafı yeni iş yerlərinin açılmasına zəmin yaradacaq".
Məsələ ilə bağlı AZXEBER.COM-a açıqlama verən siyasi şərhçi Qabil Hüseynli bildirib ki, dövlətin "Böyük Qayıdış" siyasətini yüksək qiymətləndirir:
Mikayıl Mirzəzadə
Yazı Medianın İnkişafı Agentliyinin işğaldan azad edilmiş ərazilərə "Böyük Qayıdış" mövzusunda dərc edilib.
