Cəlal Qurbanovdan çağırış: "Öz milli musiqilərimizin və sənəkarlarımızın qədrini və dəyərini bilək!!!"
Türkiyəli məşhur müğənni Özcan Denizin canlı yayımda erməni dilində mahnı oxuması şair, Azərbaycan Yazıçılar Birliyinin üzvü Cəlal Qurbanovu hiddətləndirib.
O Özcan Denizi kəskin tənqid edib: «Bu gün sosial şəbəkələrdə qardaş Türk xalqının iki ünlü simasının dialoqu və ifasını izləyib çox məyus oldum. Ölkəmizdə də çox sevilən iki sənətçinin, Özcan Deniz və Sirri Süreyya adlı teleaparıcının "sən sanki bir erməni türküsü söyləyəcəksən” –deyə müraciət etməsi və ardınca "ermənilər bu torpağın qədim xalqları” deməsi, sonra isə Özcan Denizin ölməz sənətkarımız Emin Sabitoğlunun bəstəsi olan "Bizim dağlar” mahnısını erməni türküsü kimi təqdim etməsi və ifası məni çox hiddətləndirdi. Mən onların aşırı dərəcədə səhvə yol verdiklərini, sadəcə cahillik kimi qiymətləndirirəm. Yəqin ki, Özcan bəyin ermənilərin törətdikləri soyqırım və vəhşiliklərindən xəbəri yoxdur. Əgər olsaydı bu addımı atmazdı. əziz dostlar! Gəlin öz tariximizi daha yaxşı qoruyaq. Onları elə təbliğ edək ki, başqaları öz adlarına çıxmasınlar. Öz milli musiqilərimizin və sənəkarlarımızın qədrini və dəyərini bilək!!!”.
