Tanınmış şair, Azərbaycan Yazıçılar Birliyinin üzvü Cəlal Qurbanov Rio-2016-yə yollanan idmançılarımızla bağlı paylaşım edib.
AZXEBER.COM-un məlumatına görə, o güləşçilərimizə dəstəyini bildirib: Hər zaman gənclərimizin və idmançılarımızın yanında olan,onlara diqqət və qayğısını əsirgəməyən ölkə başçımız, Azərbaycan Respublikasının Prezidenti cənab İlham Əliyevin idmançılarımıza göstərdiyi böyük dəstək onların qələbəsinin rəhni olmuşdur. Mən buna əminəm ki, olimpiya iştirakçılarımız, o cümlədən, qədim Azərbaycan idman növü sayılan güləşçi pəhlivanlarımız Rio-2016 Olimpiya oyunlarında bu dəfə də bayraqlarımızı ardıcıl olaraq yüksəklərə qaldıracaq və Azərbaycan himnini saysız olaraq bütün dünyaya ayaq üstə dinlədəcəklər.
Bütün idmançılarımıza qızıl medallarla Vətənə qayıtmaqlarını arzulayır və Azərbaycan xalqını olimpiya iştirakçılarımızdan dua və dəstəklərini əsirgəməməyə çağırıram. Qələbə bizə yaraşır"
Qeyd edək ki, Cəlal Qurbanovun atası Cavanşir Qurbanov Azərbaycan Güləş Federasiyasının vitse-prezidentidir. Olimpiadada ölkəmizi təmsil edəcək 14 güləşçidən 6-sı sərbəst, 5-i yunan-Roma, 3-ü isə qadın güləşi üzrə yarışlarda iştirak edəcək.
