Cənubi Koreyanın texnologiya nəhəngi "Samsung"da çalışan 6500-dən çox işçi üç günlük tətilə çıxıb.
AZXEBER.COM xarici mətbuata istinadən xəbər verir ki, həmkarlar ittifaqı əməkdaşları ötən ay ilk tətilini keçirməklərinə baxmayaraq bunun nəticəsiz olduğunu bildiriblər.
Həmkarlar ittifaqı tələblərinin yerinə yetirilməyəcəyi təqdirdə yenidən tətil edəcəklərini bildirib.
Tətildə olan Milli Samsung Elektron Birliyinin (NSEU) üzvlərinin sayı təxminən 30 min nəfərdir ki, bu da "Samsung"un Cənubi Koreyadakı işçilərinin dörddə birinə bərabərdir.
Bununla belə, həmkarlar ittifaqı bu həftəki tətildə əksəriyyəti istehsal sahələrində və məhsul inkişaf şöbələrində çalışan təxminən 6540 işçinin iştirak etdiyini açıqladı.
Şirkət bu gün başlayan tətillə bağlı açıqlama verməyib.
Qeyd edək ki, şirkət rəhbərliyi və həmkarlar ittifaqı yanvar ayından danışıqlar aparır. Həmkarlar ittifaqı şirkətin təklif etdiyi 5,1 faizlik maaş artımını rədd edib.
Gülay
