Azərbaycan xarici işlər naziri Ceyhun Bayramov Uqanda Prezidenti ilə görüşüb.
AZXEBER.COM xəbər verir ki, bu barədə Azərbaycan Xarici İşlər Nazirliyinin mətbuat xidməti məlumat yayıb.
Bildirilib ki, xarici işlər naziri Ceyhun Bayramov Uqandaya işgüzar səfəri çərçivəsində Uqanda Respublikasının Prezidenti Youeri Kaquta Museveni tərəfindən qəbul edilib.
"Görüş zamanı Azərbaycan və Uqanda arasında çoxtərəfli əməkdaşlıq gündəliyi və Qoşulmama Hərəkatı Üçlüyü çərçivəsində gələcək planlar müzakirə edilib", - XİN bildirib.
Xatırladaq ki, Qoşulmama Hərəkatına sədrlik Azərbaycandan Uqandaya keçib.
