Moldova Respublikasının parlament vəkili (ombudsman) Aureliya Qriqoriunun Ermənistanda keçirilən beynəlxalq konfransda bu ölkənin parlamentində çıxışı zamanı Ermənistan tərəfindən Azərbaycan torpaqlarının 20 faizinin işğal edildiyi və Xocalıda azərbaycanlılara qarşı soyqırımı həyata keçirildiyini söyləyib və bu fikirlərinə görə təhdidlərə, hədələrə və təzyiqlərə məruz qalıb.
Milli Məclisin deputatı Ceyhun Osmanlı qeyd olunan məsələ ilə bağlı Avropa Şurası prezidenti Hermen Van Rompuy, Avropa Komissiyasının prezidenti Joze Manuel Barroso və Avropa Parlamentinin prezidenti Martin Schulza məktub ünvanlayıb.
Məktubda millət vəkili Moldova ombudsmanına qarşı baş vermiş hadisəyə laqeyd qalmamağı və münasibət bildirməyə çağırıb. Həmçinin millət vəkili adıçəkilən qurumlarla Ermənistan arasında əməkdaşlıq əlaqələrinin və birgə dəstək layihələrinin müzakirəsi zamanı qeyd olunan məqamların nəzərə alınmasını vurğulayıb.
