Xəbər verdiyimiz kimi, Odessa şəhərində Ukrayna Azərbaycanlı Gənclər Birliyinin 3-cü forumu başlayıb.
AZXEBER.COM-un məlumatına görə, Ukrayna Azərbaycanlı Gənclər Birliyinin Odessada keçirilən 3-cü forumunda iştirak edən millət vəkili Ceyhun Osmanlı öz çıxışında bildirib ki, dünyanın harasına gediriksə orada intellektual Azərbaycan gəncliyini, bu gənclərin dünyada sayının artdığını və bu gənclərin Ana Vətənləri Azərbaycanla hər keçən gün daha çox qürur duyduğunu görürük. Dünyanın harasına gediriksə oradakı həmvətənlərimizin İlham Əliyevi dəstəklədiyini görürük.Ceyhun Osmanlı deyib ki, dünyada nüfuzu artan Azərbaycan, həm də nüfuzu artan azərbaycanlılar deməkdir: “Bu gün bütün dünyada Azərbaycan və azərbaycanlılar qazandığı uğurlarla populyarlaşır və brendləşir. İlham Əliyev isə dünyada ən populyar azərbaycanlıdır və buna görə də bütün dünya azərbaycanlılarının onu dəstəkləməsi labüddür. Çünki hər kəs bundan sonra daha da inkişaf etmiş Azərbaycan görmək və bu inkişaf sürətinin davamını istəyir. Hər kəs məntiqi şəkildə anlayır ki, bunun üçün İlham Əliyevə dəstək verməyimiz zəruridir”.
Millət vəkili Ceyhun Osmanlı onu da vurğulayıb ki, dünyada minlərlə Azərbaycan gənci təhsil alır və onların çox gözəl nümayəndələrini biz Ukraynada da görürük.
