Hindistanın Telanqana ştatından olan bir peyvənd əleyhdarı, COVID-19-a qarşı peyvənd olunmaqdan qaçmaq istədiyi üçün ağaca dırmaşıb və həkimlər gedənə qədər enməkdən imtina edib.
AZXEBER.COM xarici mediaya istinadla bildirir ki, Telanqana ştatındakı tibb işçiləri əyalətdəki hər kəsin koronavirusa qarşı peyvənd olunduğundan əmin olmaq üçün evlərə baş çəkirlər.
Həkimlər 33 yaşlı Qusuddinin Nayoka kəndindəki evinə gələndə o, peyvənddən imtina edib. Kişinin atası Sərdar Əli və digər ailə üzvləri onu iynə vurmağa razı salmağa çalışsalar da, o, qulaq asmayıb.
Qohumları təkid etdikdə kişi qaçaraq ağaca dırmaşıb. Hadisə şahidləri bildiriblər ki, hindistanlı bir saat ağacın üstündə oturub və yalnız həkimlər hadisə yerini tərk etdikdən sonra aşağı düşüb.
