Əvvəlcə Böyük Britaniyada aşkarlanan və daha yüksək yoluxuculuq qabiliyyəti olan VOC 202012/01 koronavirusu son bir həftə ərzində daha yeddi ölkədə aşkar edilib və belə ölkələrin ümumi sayı 118-ə çatıb.
Bu barədə Ümumdünya Səhiyyə Təşkilatı (ÜST) məlumat yayıb.
Qurumun həftəlik epidemioloji bülletenində qeyd olunur ki, keçən həftə virusun müxtəlif variantları barədə məlumat verən ölkələrin sayı artmaqda davam edib. VOC 202012/01 koronavirusundan başqa, ilk dəfə Cənubi Afrikada aşkar olunmuş 501Y.V2 ştammının coğrafiyası da genişlənərək (daha 6 ölkə) 64 ölkəyə çatıb. Əvvəlcə Braziliya və Yaponiyada təsbit edilən P.1 ştammı da daha 6 ölkədə aşkar edilib və indi bu mutasiya növü 38 ölkədə dolaşmaqdadır.
ÜST-nin məlumatına görə, koronavirusun VOC-202012/01 variasiyası Britaniyada keçən ilin sentyabrında ortaya çıxıb. Cənubi Afrikada 501Y.V2 ştammı avqustun əvvəlindən, Braziliya və Yaponiyada isə P.1 ştammı dekabr ayından bəri mövcuddur.
///Report
