Lüksemburqda Avropa İttifaqı ilə Albaniya arasında 2-ci üzvlük konfransı keçirilib.
AZXEBER.COM xarici mətbuatai istinadən xəbər verir ki, konfransdan sonra Macarıstanın Aİ-nin müvəqqəti prezidenti olan xarici işlər və ticarət naziri Peter Szijjarto AB Komissiyasının qonşuluq və genişlənmə üzrə məsul üzvü Oliver Varhelyi və Albaniyanın Baş naziri Edi Rama birgə mətbuat konfransı keçiriblər.
Albaniya ilə əsas hüquqlar və məhkəmə sistemi ilə bağlı "Əsas dəyərlər” adlı fəslin açıldığını bildirən Szijjarto "Albaniya ilə ilk danışıqlar paketini açdığımızı və bu ölkənin Avropa Birliyinə üzv olmasını təmin etmək üçün üzvlük danışıqlarına başlanıldığını" qeyd edib.
"Biz qlobal siyasət və geniş iqtisadiyyata gəldikdə AB-nin rəqabət qabiliyyətini itirdiyini və çəkisini itirdiyinin fərqindəyik. Ona görə də Aİ-nin təravətə, yeni enerjilərə ehtiyacı var" - deyə Szjjatro Macarıstanın AB-nin genişlənməsinə önəm verdiyini ifadə edib.
Szijjarto Qərbi Balkan ölkələrinin 15 ildən artıqdır ki, AB üzvlüyünü gözlədikləri halda, bəzi üzv ölkələrin genişlənməyə qarşı "bəhanə axtardıqlarını" müdafiə edərək "Əgər ikiüzlülüyün pik həddə çatdığı bir bölgəni siyahıya salmalı olsaydım, bu, mütləq genişlənmə olardı, çünki mən təəssüf ki, 27 nəfərin içində həmkarlarımın nə danışdığını eşidirəm" - deyə o, bu məsələni tənqid edib.
Baş nazir Edi Rama da ölkəsini Aİ üzvlüyünə bir addım yaxınlaşdıran qərardan məmnunluğunu bildirib.
Albaniya 2009-cu ildə Aİ-yə üzvlük üçün rəsmi müraciət edib. Komissiyanın 2012-ci ilin oktyabrında verdiyi müsbət rəydən sonra Şura 2014-cü ilin iyununda ölkəyə "namizəd statusu” verilməsi barədə qərar qəbul edib.
Albaniyanın Aİ-yə üzvlük danışıqları rəsmi olaraq 2022-ci ilin iyulunda başlayıb. Albaniya ilə açılan fəsillər toplusu demokratik təsisatların fəaliyyəti və dövlət idarəçiliyi islahatları çərçivəsində məhkəmə sistemi və fundamental hüquqlar, ədalət, azadlıq və təhlükəsizliyi əhatə edir; İqtisadi meyarlar çərçivəsində bura dövlət satınalmaları, statistika və maliyyə nəzarəti fəsilləri və meyarları daxildir.
Mikayıl
