Oxunuşda müzakirəyə çıxarılan Vergi Məcəlləsinə edilən dəyişikliklərə əsasən Vətən müharibəsində şəhid olmuş şəxslərin ailə üzvləri və qazilər üçün yeni vergi güzəştləri müəyyənləşib. Dəyişikliklə Vətən müharibəsi şəhidləri ilə yanaşı, Vətən müharibəsi iştirakçılarının da banklara və digər kredit təşkilatlarına olan borclarının silinməsindən əldə olunan gəlir gəlir vergisindən azad edilir.
Mill Məclisin deputatı Fazil Mustafa AZXEBER.COM-a açıqlamasında məsələyə sadə izah verib. Deputat Vergi Məcəlləsində şəhid ailələri üçün nəzərdə tutulan istiqamətləri diqqətə çatdırıb:
"Vergilər Məcəllləsində şəhid ailələri üçün güzəştlər nəzərdə tutuldu. Onların müəyyən məbləğlərinin bank hesabından Əlavə Dəyər Vergisindən (ƏDV) azad olunmasından tutmuş, bəlli bir faizlərdən azad olması nəzərdə tutuldu. Digər tərəfdən isə onların müəyyən öhdəlikləri ilə bağlı məsələlərdə də xeyli dəyişikliklər nəzərdə tutuldu. Bir çox sahələrdə onlara aid olan mənfəətdən ƏDV tutulması məsələsində güzəştlər də nəzərdə tutulub. Əsasən bu istiqamətləri əhatə edir. Onlara hər hansı bir şəkildə, məsələn, səhiyyə yardımı kimi göstərilən köməkliklər var idi. Deyək ki, 40 min manata qədər olan xaricdə müalicə üçün, daxildə isə 10 min manata qədər olan müalicə xərcləri üçün verilən iyanələrdən də ödənən vəsaitlərdən və yardımlardan da hər hansı bir şəkildə vergi tutulması aradan qaldırılıb”.
Şəhid ailələri və qazilərin sosial rifahının yaxşılaşdırılması üçün vacib olduğunu qeyd edən deputat gələcəkdə də bu cür addımların davam edəcəyini diqqətə çatdırıb:
"Bütün bunlarən hamısı şəhid ailələri və qazilərin normal müalicə olunması və onlara köməkliyin təşkil olunması üçün çox faydalı bir addım idi. Bu da digər tərəfdən onlara dəstək verən insanların da əlavə ödənişdən azad olunmasına gətirib çıxaran müəyyən addımlardır. Həmçinin bank sektorunda və başqa sahələrdə də güzəştlər nəzərdə tutulub. Ümid edirəm ki, bu məsələ şəhid ailələrinin haqlı olaraq vəziyyətini yüngülləşdirmək üçün atılan ədalətli bir addımdır və gələcəkdə də bu cür addımların atılması davam edəcək”.
Qeyd edək ki, Bu Qanun 2022-ci il yanvarın 1-dən qüvvəyə minir.
Aydın Nuri
