Adı açıqlanmayan 40 yaşlı kişi ərəb partiyasının lideri Əhməd Tibinin üzünə qaynar çay atıb.
AZXEBER.COM xarici mətbuata istinadən xəbər verir ki, insident Beer-Şeve məhkəməsinin binası qarşısında keçirilən beduinlərin etiraz aksiyası zamanı baş verib.
Əhməd Tibi digər ərəb partiyalarının liderləri ilə birgə həmrəyliyini bildirmək üçün nümayişçilərə qoşulub. Bu məqamda bir naməlum şəxs ona yaxınlaşaraq əlindəki qaynar çayı onun üzünə atıb.
Deputat heç bir xəsarət almayıb, sözügedən şəxs isə saxlanılıb.
