Mütəxəssislər dəri quruluğuna qarşı 6 təsirli tədbiri açıqlayıb.
Yay mövsümündə günəş şüalarının yerə daha intensiv çatması və duzlu suyun dəri səthində qalması səbəbindən dəri quruyur. Ən çox əllərdə, qolların və ayaqların alt hissələrində, göz və dodaqların ətrafında müşahidə olunsa da, dərinin quruması bədənin demək olar ki, hər yerində ola bilər. Dərinin qurumasına qarşı heç bir tədbir görülməzsə, üzdə, xüsusən də göz ətrafında incə qırışların əmələ gəlməsi sürətləndirilə bilər. Bundan əlavə, quruluğun artması ilə dəridə geniş və dərin çatlar, açıq yaralar və infeksiya kimi daha ciddi problemlər yarana bilər.
AZXEBER.COM Türkiyə mediasına istinadən xəbər verir ki, Acıbadem Universiteti Atakent xəstəxanasının dermatoloji mütəxəssisi Dr. Serpil Pırmıt dəri quruluğunun qeyri-ciddi qəbul edilməməsi lazım olduğuna diqqət çəkərək dəri quruluğuna qarşı almalı olduğumuz tədbirlərdən bəhs edib. Onun sözlərinə görə, bu 6 tədbir dəri quruluğunun qarşısını alacaq:
1.Çölə çıxmazdan 30 dəqiqə əvvəl qoruyucu krem çəkin.
-Günəşin quruducu təsirindən özünüzü qorumaq üçün çölə çıxmazdan 30 dəqiqə əvvəl günəşdən qoruyucu məhsulu dərinizə çəkin. Həmçinin, kremi hər 2-3 saatdan bir yenidən çəkməyi unutmayın.
2.Dənizdən və hovuzdan sonra duş alın.
-Dənizdən və ya hovuzdan çıxdıqdan sonra duş qəbul edin ki, duzlu və ya xlorlu su dərinin səthində qalmasın və quruluğa səbəb olmasın.
3.Duş vaxtını 10 dəqiqə ilə məhdudlaşdırın.
-Dərinin nəmini itirməməsi üçün vanna və duş vaxtını 10 dəqiqə və ya daha da qısaltmağı vərdiş edin. Eyni zamanda duşda isti su ilə deyil, ilıq su ilə yuyunun. Bundan əlavə, dəri sağlamlığınızı qorumaq baxımından gündə bir dəfədən çox vanna qəbul etməmək vacibdir.
4.Sərt və qurulaşdırıcı məhsullardan istifadə etməyin.
-Duş qəbul edərkən sərt və qurulaşdırıcı təmizləyicilər yerinə nəmləndirici sabun və gellərə üstünlük verin.
5.Nəmləndiricinizin dəri tipinizə uyğun olduğundan əmin olun.
-Effektiv nəticə əldə etmək üçün hər gün dəri quruluşunuza uyğun nəmləndirici istifadə etməyi vərdiş edin.
6.Bol su üçün
-Yayda su içməyi artırmaq da quru dəriyə qarşı ala biləcəyiniz tədbirlər arasındadır. Gündə 2,5-3 litr su içməyi unutmayın.
Ayşən
