Amerikalı dietoloqların fikrincə, içkilərin tərkibini təbii otlar və ədviyyatların köməyi ilə faydalı etmək olar.ANS PRESS-in məlumatına görə, amerikalı dietoloqlar cirəni boğaz tutulmalarında və öskürəkdə çaya əlavə etməyi məsləhət görüb. Bu içki sağalmanı tezləşdirir.Kalendulanın çiçəyi və toxumu mikrob öldürücü xassəyə malikdir. Bu səbəbdən də kalendulalı çay angina və soyuqdəymədə kömək edir.Jasmin halsızlıq və xroniki yorğunluğun əlamətlərində faydalıdır, aşağı arterial təzyiqi yüksəldir, həzmi normallaşdırır, maddələr mübadiləsini aktivləşdirir.Lavanda sakitləşdirici xüsusiyyətə malikdir. Lavanda ilə hazırlanmış qaynar içki yuxusuzluq və nevrozla mübarizədə effektlidir.
