Rəsmi Pekin Şimali Koreyanın Çindəki şirkətlərinin 120 gün müddətinə bağlanacağını açıqlayıb.
"Qaynarinfo" xarici mediaya istinadən xəbər verir ki, Çin ticarət nazirliyi tərəfindən verilən açıqlamada 12 sentyabr BMT tərəfindən qəbul edilən sanksiya qərarına əsasən bu addımın atıldığı deyilir.
Qeyd edək ki, 12 sentyabrda Şimali Koreyanın nüvə və ballistik raket sınaqlarına cavab olaraq qəbul edilən sanksiyalara əsasən bu ölkənin neft, qaz və tikiş məhsulları ticarətinə ciddi qadağa və məhdudiyyətlər qoyulub. Daha sonra bu qərar ABŞ tərəfindən daha da ağırlaşdırılıb. Lakin Şimali Koreya sınaqlara davam edəcəyini açıqlayıb.
