Ötən gün 70-ci "Miss World 2021”(Dünya gözəli - 2021) beynəlxalq gözəllik müsabiqəsinin finalı baş tutub.
AZXEBER.COM xəbər verir ki, Puerto-Rikonun San-Xuan şəhərində keçirilən mötəbər tədbirdə "Miss World 2021” adını polşalı Karolina Belyavska qazanıb.
22 yaşlı modelə tacını "Miss World-2019”un qalibi Toni-Enn Sinqx təqdim edib. İkinci yerə Amerika Birləşmiş Ştatlarından olan Şri Sayni, 3-cü yerə isə Kot d`İvuardan olan Oliviya Yayse sahib çıxıb.
Qeyd edək ki, Karolina mühəndislik üzrə ali təhsil alıb.
