Dünya nə vaxt dağılacaq?

ABŞ-ın Milli Aeronavtika Agentliyinin (NASA) ekspertləri deyiblər ki, Günəşdən yerə gələn elektromaqnit enerjisi seli və hissəciklər axınları GPS peyklərinin siqnal ötürmələrində fəsadlarla yanaşı, Yer səthində elektrik dalğalanmaları yaradır. Belə problemlər elektrik şəbəkələrindəki transformatorların işini pozur. Fəqət, Günəşdəki partlayışlar Yeri məhv etmək gücündə deyil. "Yeri məhv etmək üçün 150 milyon kilometr məsafəyə öldürücü alov kürəsi göndərməyə Günəşin gücü çatmaz", - NASA-da çalışan heliofizik Aleks Yanq deyib. Onun sözlərinə görə, Günəşdəki partlayışlar problemi qasırğalar təkidir. Partlayışlarla bağlı ilkin xəbərdarlıqlar müvafiq qabaqlayıcı tədbirlər görməyə imkan verir. NASA ekspertlərinin dediklərinə görə, Günəş və kosmik iqlimi tədqiq etmələrinin bir səbəbi də proqnoz imkanlarının yaxşılaşdırılmasıdır.