"Time” jurnalı səbirsizliklə gözlənilən "Dünyanın 100 ən nüfuzlu insanı”nın illik siyahısını dərc edib.
AZXEBER.COM xarici mətbuata istinadən xəbər verir ki, 1998-ci ildən davam edən bu ənənə qlobal siyasət, incəsənət, elm, idman və biznesin nüfuzlu xadimlərini bir araya gətirir.
Bu ilki "Liderlər” kateqoriyasına Suriya lideri Əhməd Şara, ABŞ prezidenti Donald Tramp və SpaceX-in qurucusu İlon Mask kimi adlar daxil olub.
Siyahıya vəsiqə qazananlar altı kateqoriyaya bölünüb. Bunlar "Rəssamlar, ikonlar, liderlər, nəhənglər, qabaqcıllar və yenilikçilər" idi.
Ən diqqət çəkən kateqoriya "liderlər” olub.
"Liderlər” kateqoriyası bu il siyasi və sosial transformasiyaları formalaşdıran adlarla xüsusi diqqət çəkib.
Tramp və onun administrasiyası siyahının böyük bir hissəsini tutub. ABŞ prezidenti Donald Tramp, vitse-prezident JD Vance, SpaceX qurucusu İlon Mask və ticarət naziri Hovard Lutnikin adı siyahıda yer alıb.
Kateqoriyada diqqət çəkən ad Suriya lideri Əhməd Şara olub.
Bu dəfə Vladimir Putin liderlər arasında olmayıb.
Şara siyahıya ABŞ-ın Suriyadakı keçmiş səfiri Robert Fordun təklifi ilə irəli sürülüb.
Şara ilə yanaşı, siyahıya Yaxın Şərqdən yalnız üç başqa ad daxil edilib. İranlı rejissor Məhəmməd Rəsulof, mərakeşli alim İsmahane Elouafi və ABŞ-da Qəzzadakı məhbuslarla bağlı ictimaiyyəti məlumatlandıran Duqlas Emhoff da siyahıda olub.
"Time” jurnalının baş redaktoru Sam Jacobs siyahı hazırlayarkən sosial və siyasi transformasiyalara səbəb olan adlara diqqət yetirdiklərini vurğulayıb.
Gülay
