Anspress xəbər verir ki, Filippində son illərin ən böyük timsahı yaxalanıb. "Anadolu" agentliyinin məlumatına görə, 6.4 metr uzunluğu, 1 ton ağırlığı olan timsah ölkənin cənubundakı Aqusan şəhərinin Bunavana qəsəbəsindəki dayaz çayda yaxalanıb. Qəsəbə sakinləri iyul ayında itkin düşən balıqçının da bu timsah tərəfindən yeyildiyini güman edirlər.Çayda qurulan torla canlı olaraq ələ keçirilən timsah bölgə üçün planlaşdırılan ekoturizm parkında nümayiş olunacaq.Rəsmilər yaxalanan timsahın yaxın vaxtlarda kəndlilərə aid bir öküzü yediyini də bildiriblər.