Dünyanın transseksuallar üçün ilk məscidi

Dünyanın transseksuallar üçün ilk məscidi - VİDEO

DÜNYA

18:29 13.04.2016

4207

İndoneziyada dünyanın ilk transgender məscidi fəaliyyət göstərir.Məscid son illərdə böyük nüfuz qazanıb. Belə ki, 53 yaşlı Şinta Ratri digər transgender qadınlarla birlikdə 2008-ci ildə şəhəri silkələyən böyük zəlzələdən 2 il sonra Al Fatah Pesantrendə tapılıb. Bu barədə o Channel 4-ə danışıb:“Bu, iztirab vaxtları idi. Transgender insanların dua etmək üçün bir yola ehtiyacı var idi. Bizə birlikdə ibadət edib İslamı öyrənə biləcəyimiz yer lazım idi”.Transgender mədrəsəsi böyük məscidin arxasındakı cığırda gizlənib. Burada ibarət edənlər deyir ki, mədrəsə sadəcə özü olmaq istəyən kişi və qadınlar üçün ümid və azadlıq mayakı olub.İndoneziyada transgender qadınları “waria” adlandırırlar. Uzun müddət “Yava” mədəniyyətinin bir hissəsi olan “waria”lar hələ də ən formal iş imkanlarından məhrum olunur və cəmiyyətdən qaçırlar.Dini məktəb “waria”lara dinc şəraitdə, gözünü onlara dikən və ya onlarla oturmaqdan imtina edən insanlar olmadan dua etməyə icazə verir.

48 yaşlı Yuni Şara Al Fatahda katibə işləyir. O, mədrəsədə yerli məscidlərdə olmadığı kimi qəbul edildiyini bildirib:“Məscidlərdə insanlar gözlərini mənə zilləyəcəklər. Onlar mənə işarə edəcək və “o, transgenderdir” deyəcəklər. Lakin burada mən sərbəstəm”.

Yuni Şana əlavə edib ki, insanların ona baxdığını biləndə fikrini dualarında cəmləyə bilmir. “Burada isə dua etmək çox rahatdır”, - deyə o bildirib.“Waria”lar tez-tez salonlarda saç ustaları olurlar, böyüklər üçün şou və əyləncələrdə rəqqasəlik edirlər. Lakin çox zaman onlar küçələrdə işləyirlər: gündüz dilənirlər, gecələr isə intim münasibət təklif edirlər.39 yaşlı Edo intim münasibət təklif edənlərdəndir. Hicab və mühafizəkar paltarlar geyinən Edo həmişə “dindar” olduğunu deyir. Gecə müştərilərini qəbul edən Edo, adətən bazar günləri mədrəsəyə gedir və hesab edir ki, burada heç bir ziddiyyət yoxdur.

Bundan əlavə, məscid yarandığı vaxtdan etibarən açıq şəkildə qadın paltarında Allaha ibadət etmək təcrübəsini təklif etməklə bir çox qadınlara yardım edib.

aznews.az