Gül özgəyə, tikan sənə qalanda
Xarıbülbül hönkürdümü, Qarabağ ?
***
Harda qaldı məğrur gəzən gözəllər?
Al qırmızı, yaşıl geyən gözəllər?
Qolubağlı əsir gedən gözəllər
Ah göndərsin, ahımızı dağlayaq . . .
***
Orda— düşmən sərvətimi bölür hey ,
Burda—ərlər hiddətindən ölür hey .
Dünya yanmır dərdimizə---gülür hey ,
Ümidləri niyə ona bağlayaq ?
***
Şəhidlərin sinəsində dağ qalıb ,
Nifrətimiz şəhid deyil –- sağ qalıb.
Qara dərddən qəlbimiz də qaralıb—
Necə gəzək alnı açıq , üzü ağ ?
***
Zaman keçir, dəyişməyir bu yara—
El didərgin, ümid yorğun, avara . . .
Gün doğarmı o qaranlıq yollara—
Qovuşarmı bu torpağa o torpaq ?
Sədaqət Əhmədova
