İranın yeni prezidentinin ilk olaraq Ermənistan prezidenti ilə görüşməsi müəyyən suallar yaratsa da, millət vəkili Fazil Mustafa bu görüşün İran-Azərbaycan münasibətlərinə heç bir təsir edə bilməyəcəyini bildirdi. 

Millət vəkili F. Mustafa AZXEBER.COM-a açıqlamasında deyib ki, İran həm də eyni münasibəti Azərbaycanla da saxlayır. “Bu görüşdə təəccüblü heç nə yoxdur. Belə ki, bu İranın seçdiyi siyasi gediş yoludur. İran daima Ermənistanla iqtisadi, siyasi danışıqlar aparıb. Bu da həmin danışıqlardan biridir. Burada xüsusi heç bir məqsəd ola bilməz. İran eyni münasibəti həm də Azərbaycan ilə də saxlayır. Düşünürəm ki, bu görüş İran-Azərbaycan münasibətlərinə heç bir təsir edə bilməz”. 

Qeyd edək ki, Həsən Ruhani prezident olmadan öncə İranın Qərblə nüvə proqramı ilə bağlı danışıqlarda iştirak edən əsas simalardan biri olub. Politoloqlar yeni prezidentdən daha çox islahat gözləyirlər.