Dövlət Turizm Agentliyi Şəki Xan sarayının həyətində baş vermiş hadisə ilə bağlı açıqlama yayıb.
AZXEBER.COM-un məlumatına görə, agentlik bildirib ki, hadisə baş verən andan Dövlət Turizm Agentliyinin rəhbərliyi Şəkiyə doğru yola çıxıb.
Cəmiyyəti daha dəqiq məlumatlandırmaq məqsədilə az sonra hüquq-mühafizə orqanları ilə birgə ətraflı bəyanatın yayımlanması planlaşdırılır.
Xatırladaq ki, Şəki Xan sarayının həyətindəki ağacın budağının aşması nəticəsində 19 nəfər xəstəxanaya yerləşdirilib. Səhiyyə Nazirliyindən saytımıza verilən məlumata görə, yaralılardan 4-nün vəziyyəti ağırdır.
