4-cü dəfə ailə həyatı quran Türkiyənin məşhur müğənnisi Ebru Gündeşin evliliyinin detalları məlum olub.
AZXEBER.COM Türkiyə mətbuatına istinadən xəbər verir ki, ailəyə yaxın kəslərin verdiyi məlumata görə 1 il öncə münasibətə başlayan cütlük, Murad bəyin həyat yoldaşından boşanmadığı üçün ayrılıblar.
Bu ayrılığın ardından Murad Osman Özdemirin xanımı Selin yenidən evə qayıdıb. Həyat yoldaşına ad günündə sürpriz hazırlayan Özdemir, məkanı bağlatdırıb və müğənni Ebru Yaşar gecədə onlar üçün sevilən mahnılarını səsləndirib.
Bundan sonra 10 günlük iş səyahətinə gedən Murad Osman Özdemir, 10 gün evə qayıtmayıb və həyat yoldaşına zəng edərək "səninlə xoşbəxt deyiləm, qayıtmayacağam, sevgilim var” sözlərini deyib. Onun həmin dönəmdə 30 yaşlarında bir xanımla münasibətdə olduğu deyillir.
Qısa zaman sonra həmin xanımla da yollarını ayıran Özdemir, yenidən Ebru Gündeşlə münasibətə başlayıb və ötən gün cütlük Dubayda nigah masasına oturub.
Qeyd edək ki, Murad Osman Özdemir, həyat yoldaşı Selin Özdemirdən 1 ay öncə rəsmi şəkildə boşanıb.
Aysel
