Türkiyədə olduğu qədər Azərbaycanda da gündəmi məşğul edən məsələlərdən biri azərbaycanlı iş adamı Rza Zərrabın Türkiyədə keçirilən “Böyük rüşvət” əməliyyatları zamanı həbs edilməsidir. Belə ki, o İrandan böyük miqdarda maliyyə vəsaitinin Türkiyəyə şübhəli transferi, külçə qızılların qaçaqmalçılığı, saxta sənədlər hazırlamaq, vəzifəli şəxslərə rüşvət vermək kimi ağır cinayətlərdə ittiham edilir.
Bəs, Rza Zərrab kimdir və o qısa zamanda bu qədər sərvəti necə əldə edib?
AZXEBER.COM portalı olaraq bütün bu suallara cavab tapmaq məqsədi ilə Rza Zərrabın həyatına aid bir sıra vacib faktları təqdim edirik:
Rza Zərrab 1984-cü ildə Bakıda anadan olub.
Zəngin bir ailənin uşağı olması səbəbindən ilk dəfə 14 yaşından etibarən ticarət ilə məşğul olmağa başlayıb və bacarığı ilə ailəsinin sərvətinə sərvət qatıb.
Qısa zamanda öz biznes şəbəkəsinə quran Rza çox qısa zamanda böyük əlaqələr qurmağa başlayıb. Əsasən qızıl-zinət əşyalarının satışı ilə məşğul olan Zərrabın qızıl işində daha çox peşəkar olduğu deyilir.
Hətta onun öz şəxsi pulunun bir çox hissəsini qızıla yatırdığı da inkar edilmir.
Bir müddət sonra Rza qardaşı Məhəmməd Zərrab ilə birlikdə İstanbulda "Royal Dənizçilik və Sənaye Maşın Sənaye Ticarət MMM." adlı şirkət qurur və 27 Oktyabr 2011-ci ildə qızıl alverində də adına əlavə edir. Şirkətin yeni adı bu tarixdən etibarən "Royal Dənizçilik Sənaye Maşın və Qiymətli Mədənlər Sənaye Ticarət MMM." olaraq dəyişdirilir.
Bu sahə üzrə yeni investisiyalar yatıran iş adamı “Royal Holding”i yaradır və 2012-ci ilin sonlarına yaxın Türkiyədə qızıl biznesinin 46%-nə nəzarət etməyə başlayır.
Deyilənlərə görə,“Royal Dənizçilik və Sənaye Maşın Sənaye Ticarət MMM."in adının bir müddət sonra “Royal Holding”lə dəyişdirilməsi şirkətin sahiblərindən biri olan Turgut Happani adlı iş adamının adının rüşvətdə hallanması və 2011-ci ilin noyabr ayında İstanbul Atatürk Havalimanında həbs edilməsi olub.
Rza Zərrab bu müddət ərzində Türkiyənin tanınmış adlarından birinə çevrilir və hətta onun adı maqazin gündəminə qalmaqallı xəbərlərdə də çəkilir. Gəmi sahibi, zərgərlik, neft ticarəti kimi işlərlə məşğul olan məşhur iş adamı Əbru Gündeş ilə evlənir. Bundan öncə isə o Azəri qızı Günellə bir müddət nişanlı qalır və ani bir qərarla Gündeşle evlənmək istədiyini açıqlayır.
Türkiyədə yayımlanan bəzi qəzetlərin iddialarına görə, Zərrab evlənmə prosesini belə əvvəlcədən planlaşdırıbmış. Belə ki, Azəri qızı Günellə ilk dəfə adı hallanan Zərrabın daha sonra Ebru Gündeşlə evlənməsi onu ictimaiyyət arasında daha da maraqlı bir şəxsə çevirib. Bundan istifadə edən 29 yaşlı iş adamı məmurlarla və onların övladları ilə daha yaxından tanış olmaq imkanı qazanıb. Çünki istər Türkiyədə, istərsə də Azərbaycanda məmur övladları ilə daha çox şou əhlinin toplaşdığı məkanlarda rastlaşmaq imkanı əldə edirsən.
Zərrabınson işi Türkiyənin məşhur “Trabzonspor” klubuna sponsor olması olub. Klubun büdcəsinə 3 milyon lirə yatıran Zərrab sözügedən klubla 2013-2014-cü illər arası sponsorluq müqaviləsi imzalayıb.
AZXEBER.COM
