“Neftçi”nin baş məşqçisi Böyükağa Hacıyev UEFA Çempionlar Liqasının ikinci təsnifat mərhələsinin Albaniya “Skenderbu”su ilə cavab oyunu öncəsi mətbuat konfransı keçirib.
Paytaxt klubunun çalışdırıcısı Korçedə bunları dilə gətirib: “Bakıdakı oyunda bizim qol vurmaq üçün xeyli qol şansımız oldu. Amma onları dəyərləndirə bilmədik. Bu dəfə bizə mütləq qələbə qazanmaq lazımdı. Hücum edəcəyik. Əgər Albaniya çempionuna qalib gələ bilməsək, bu, “Neftçi”dəki son günüm olacaq”. /futbolpress/
