AzTV -də yayımlanan "Məlahətli Qonaqlar" verilişində görkəmli ziyalı Əhməd Ağaoğlunun qohumları iştirak edəcək.
AZXEBER.COM xəbər verir ki, Əhməd Ağaoğlunun qızı, Tezer Taşkıranın nəvəsi Ahmad Ağaoğlunun birinci nəticəsi, türk musiqisinin əfsanəvi bəstəkarı Ahmed Güvenc verilişdə qonaq olacaq. Qonaqlar əməkdar incəsənət xadimi Məlahət Abbasovanın dəvəti ilə bir günlük Bakiya gəliblər. Əhməd Ağaoğlunun qohumları ulu öndər Heydər Əliyevin məzarını və Şəhidlər Xiyabınını ziyarət ediblər.
Qonaqlar vətəndən gedərkən Əhməd Ağaoğlunun məzarına səpmək üçün torpaq aparıblar.
Xatırladaq ki, "Məlahətli qonaqlar" verilişi hər həftənin bazar günü 22 45-də AzTV-də yayımlanır. Verilişin informasiya dəstəkçisi AZXEBER.COM saytıdır.
Qeyd edək ki, bundan sonra tarixi şəxsiyyətlərin varisləri Diasporla İş Üzrə Dövlət Komitəsinin dəstəyi ilə verilişə dəvət olunacaq.
