Azərbaycan Demokratiya və İnsan Haqları İnstitutu Şimali Kiprin ən böyük təşkilatı olan Rauf Denktaş və Düşüncələrini Yaşatma Dərnəyi ilə saziş imzalayıb
Şimali Kiprdə işgüzar səfərdə olan ADİHİ rəhbəri Əhməd Şahidov Avqustun 31-də Lefkoşa şəhərində yerləşən Golden Tulip Hoteldə ŞKTC-nin ən böyük təşkilatı olan Rauf Denktaş və Düşüncələrini Yaşatma Dərnəyi ilə əməkdaşlıq sazişi imzalayıb.
Əhməd Şahidov və Latif Akça tərəfindən imzalanan və iki təşkilat arasındakı gələcək fəaliyyəti tənzimləyən Dostluq Protokoluna əsasən, tərəflər gələcəkdə birgə fəaliyyət və əməkdaşlıq edəcək, bütün dünyada iki ölkənin milli maraqları naminə birlikdə hərəkət edəcəklər.
Tədbir zamanı çıxış edən ADİHİ rəhbəri Əhməd Şahidov Şimali Kiprin haqlarını bundan sonra bütün Avropada müdafiə edəcəyini və adada yaşayan türklərin üzləşdiyi embarqoların aradan qaldırılması isiqamətində fəaliyyət göstərəcəklərini bildirib.
