"Azərbaycan ədəbi ictimaiyyətinə, mədəniyyətinə ağır itki üz verib. Dünən biz bu acı xəbəri eşidəndən sonra çox qüssələndik. Yalnız bunda təskinlik tapırıq ki, Elçin müəllimin yazdığı əsərlər, fəaliyyəti və gördüyü işlər uzun illər yaşayacaq".
Bu sözləri AZXEBER.COM-a açıqlamasında Mətbuat Şurasının sədri, əməkdar jurnalist Rəşad Məcid deyib.
Onun sözlərinə görə, Elçin Əfəndiyev Azərbaycan ədəbi düşüncəsinin, zövqünün formalaşmasında misilsiz rolu olan bir yazıçıdır:
"Mən onun ölümüylə bağlı ailə üzvlərinə başsağlığı verirəm. Elçin müəllim bir neçə nəsil Azərbaycan ədəbi düşüncəsinin, zövqünün formalaşmasında misilsiz rolu olan bir yazıçıdır. Onun romanları uzun illərdir Azərbaycan oxucusunun sevə-sevə oxuduğu əsərlərdəndir. Mən hesab edirəm ki, uzun illər keçəcək, yeni nəsillər gələcək, Elçin müəllim ədəbi irsi yenə də yaşadılacaq".
Mikayıl
