Əgər parlament tipli Milli Şuradan söhbət gedirsə, o zaman əslində onu 5-6 nəfər yarada, təşkil edə bilməz, onu xalq seçməli, formalaşdırmalıdır.
Xalqın özünün isə seçdiyi, mandat verdiyi, taleyini etibar etdiyi, yəni, onu parlamentdə təmsil edən insanlar, qanuni şəkildə formalamış parlament var.Bu fikirləri Gün.Az-a açıqlamasında Yeni Azərbaycan Partiyası (YAP) Siyasi Şurasının üzvü, Milli Məclisin (MM) Aqrar siyasət komitəsinin sədri Eldar İbrahimov dilə gətirib.“Belə olan halda, onlar axı, necə Milli Şura formalaşdıracaqlar? Necə bəyəm, yoxsa, parlament seçkiləri keçirəcəklər, yoxsa, sorğu aparacaqlar? Əgər Eldar Namazovla Rüstəm İbrahimbəyov və digər 2-3 nəfər də buna cəhd etsələr, ora 90 nəfər yox, heç 9 dənə adam tapa bilməzlər, bilməyəcəklər” - deyən millət vəkilinin sözlərinə görə, əslində bu ideyanı ortaya atan və dəstəkləyən insanlar özləri çox ambisiyalı, biri-digərinə heç zaman güzəştə getməyən şəxslərdir:“Onlar o qədər ambisiyalı, iddialı adamlardır ki, heç zaman birləşməyəcəklər, necə ki, indiyə qədər də birləşə bilməyiblər... Ona görə Milli Şura boş xülyadır, hətta, yaradılsa belə, heç bir əhəmiyyəti olmayacaq. Necə ki, İctimai Palata, digərləri fiaskoya uğradı, Milli Şura da eyni aqibəti yaşayacaq...Onlar sadəcə, sensasiya yaratmaq, gündəmdə qalmaq üçün bu məsələni ortaya atıblar. Həm də bu məsələni ortaya atan insanların əsas məqsədi odur ki, onları maliyyələşdirən insanlardan yenə maliyyələrini alsınlar...Guya ki, nəsə iş görürlər...Ancaq nə eldar namazovlar, nə rüstəm ibrahimbəyovlar, nə isa qəmbərlər, nə əli kərimlilər, nə də qeyriləri bununla heç nəyə nail ola bilməyəcəklər. Həmin insanlar nə yaradırlarsa, yaratsınlar, Azərbaycan xalqı onlara dəstək verməyəcək”.
