“El” hərəkatı sədrinin müavini Köçəri Nağıbəyli təmsil olunduğu Milli Şuranın namizədinin əleyhinə çağırış edib.

AZXEBER.COM xəbər verir ki K.Nağıbəyli AzNews.az-a açıqlamasında Azərbaycan xalqına müraciət edərək, onları prezident seçkilərində üzvü olduğu Milli Şuranın vahid namizədi Cəmil Həsənliyə deyil, başqa bir namizədə səs verməyə çağırıb.“El” Hərəkatı rəsmisinin xalqdan dəstək istədiyi namizəd isə ReAl Hərəkatının həbsdə olan sədri, prezidentliyə namizəd İlqar Məmmədovdur.K.Nağıbəyli bildirib ki, bu qərar onun şəxsi seçimidir və “El” Hərəkatında bununla bağlı heç kimin fikrini öyrənməyib:“El” Hərəkatında hamı müstəqil adamdır. Hər kəsin öz qərarı var. Mənim də qərarım odur ki, həbsdə olan mübariz bir adamı dəstəkləyim.Buna görə də xalqa çağırış edirəm ki, seçkilərdə İlqar Məmmədovu dəstəkləsinlər”.“El” rəsmisinin sözlərinə görə, onun bu çağırışı Milli Şuranın C.Həsənlinin namizədliyini dəstəkləməsi ilə bağlı qərarına qarşı çıxmaq deyil:“El” Hərəkatı Milli Şuranın qərarını dəstəkləyir. Mənim bu qərarım Cəmil Həsənliyə qarşı çıxmaq sayılmamalıdır”.