Azərbaycanın “Eurovision” qalibləri Eldar Qasımov və Nigar Camal, üçüncülük qazanan Aysel Teymurzadə, tanınmış prodüser-bəstəkar İsa Məlikov və “Eurovision” milli seçimlərində iştirak edən Dilarə Kazımova Danimarkanın təmsilçisinin müəyyənləşməsi üçün keçirilən seçimlərdə münsif kimi iştirak edirlər. Müsabiqənin rəsmi internet saytında yerləşdirilən xəbərə görə, münsiflər heyətində Azərbaycanla yanaşı, son dörd ildə müsabiqədə qalib gələn ölkələrdən nümayəndələr təmsil olunurlar. Bu sırada Rusiyadan müsabiqə təmsilçisi Aleksey Vorobyov, Anna Kulikova, Norveçdən Aleksandr Rıbak, Almaniyadan Peter Bergener, Roger Cicero və başqaları da var.

APA