Xəbər verdiyimiz kimi, Gəncə şəhər 34 saylı məktəbin 11-ci sinif şagirdi Elgün İbrahimov xüsusi amansızlıqla qətlə yetirilib.
2 gün əvvəl qətlə yetirilən Elgünün ölümünə Gəncədən olan deputat Pərvin Kərimzadə də münasibət bildirib.
Xanım deputat AZXEBER.COM-a açıqlamasında 11-ci sinif şagirdinin xüsusi qəddarlıqla qətlə yetirilməsinin üzücü hadisə olduğunu deyib:
"Gəncə şəhərində 34 saylı məktəbin 11-ci sinif şagirdi Elgün İbrahimovun öldürülməsi hər birimizi kədərləndirir. Onun xüsusi qəddarlıqla öldürülməsi dəhşətli və üzücü hadisədir".
Hər bir valideyn üçün övlad itkisinin ağır olduğunu deyən deputat cinayətkarların tezliklə tapılacağını bildirib:
"Elgünün ailəsinə başsağlığı verir, onlara Allahdan səbr arzulayıram. Hər bir valideyn üçün övlad itkisi çox ağırdır. Elgünün də bir gənc olaraq gələcək üçün arzuları var idi. Allah ona rəhmət eləsin. İnanırıq ki, hüquq-mühafizə orqanları Elgünü amansızcasına qətlə yetirən cinayətkarları tezliklə taparaq layiq olduqları cəzanı verəcəklər"
Günel Hüseynli
