Hər zaman özünə məxsus fikirləri ilə gündəmə gələn ifaçı Əli Mirəliyev yenə qalmaqallı açıqlaması ilə gündəmi zəbt edib.
AZXEBER.COM xəbər verir ki, ARB televiziyasında yayımlanan "Elgizlə izlə” verilişində onun verdiyi açıqlamalar bir çox ifaçıların xoşuna gəlməyəcək.
Belə ki, istedadlı müğənnilərin adlarını sadalayarkən, Əli Mirəliyevin işlətdiyi sözlər birmənalı qarşılanmayıb. O, çıxışında bunları deyib:
"Yaxşı oxuyanların qadasını alım. Kamilə Nəbiyeva, Səbinə Ərəbli. Mirələm isə yox. Səsi gözəl ola bilər amma oxuyanda artıq əksik şeylər edir. Elton sənətkardır, Babək Niftəliyev də. Mənim baxışımla sizin baxışınız bir olmaya bilər. Mən əlalardan danışıram”.
Daha sonra Elgiz Əkbərin verdiyi sual, ortamı daha da alovlandırıb. Aparıcının "Bəs İlqar Muradov?” sualına Əli Mirəliyevdən gözlənilməz cavab gecikməyib:
"İlqar Muradov bəyəm oxuyur ki? O, söhbət edir. Nağıl danışır. Özü də Piri babanın nağıllarını”.
Mirəliyevin sözləri bununla da bitməyib. O, Xalq artisti Eyyub Yaqubov haqda " O, nə oxuyur ki? Ancaq Ağabala. O, gəlib burda oxuya bilməz, ancaq başqa yerdə” deyərək ifaçıları məsxərəyə qoyub.
Aysel
